9-klass oqıwshısı Bawetdinova Zuxranin` Qosıqlar toplamı

 
Qarao`zek  rayonliq  XBMXMT  ham  SHB-ne  qarasli  20-sanli  UOBB  mektebinin`  9-klass  oqiwshisi  Bawetdinova Zuxranin`  Qosiqlar  toplami

 

Bayramıńız múbarekaziz ustazlar.

Kózińizden hardayim nur janıp turar,

Sózińizden hardayim pal tamıp turar,

Bergen bilimińiz bizdi qanıqtırar,

Bayramıńızmúbarek, aziz ustazlar.

Bárha minnetdarmız biz sizden,

Hámiyshe aman júrgeysiz jaman kózden,

Bárshe oqıwshılarıńız qutlıqlaw sózinen,

Bayramıńız múbarek aziz ustazlar.

Uzaq ómir kóriń ustazım,

Hámiyshe iyiwli aldınızda basım,

Qádirleymen sizdi óssede jasım,

Bayramıńız múbarek aziz ustazım.

 

Jańa jıl.

Jasımızg`a jáne bir jastı qosıp,

Jadiraqlap mine keldı jana jıl,

Xalqımızda quwanıshqa tolıp tasıp,

Shadlıqlarg`a bolep keldı jańa jıl.

Jańa jıl jańa baxıt alıp kelsın,

Shańaraqlarg`a qut-bereke alıp kırsın,

Xalqımız barha baxıtlı kún keshırsın,

Usinday tilekler menen keldı jańa jıl.

 

 

Báhar.

Qıs ótkensoń báhár keler elime,

Jasıl lipas jayılıp turar jerıme,

Qurt-qumırısqa, ósimlikler bari oyanıp,

Úyrek g`azlar ushıp keler kólıme.

Suwıq samaldıń kelıp turar sáwırı,

Qıs ótkensoń báhár kelgen máhálı,

Jap-jasıl lipasqa bólenıp turg`an,

Ana jurtımnıń jasıl tabiyat báhárı.

 

Báhár máwsimi bárshege jag`ar,

Shayirlar báhárden ilham-yosh alar,

Shımshıq, atshók, ópepek, barı shug`ırlap,

Báhár keldi bul jerge dep jar salar.

 

Elede kórkem bolar shámen-bag`lar,

Gúlleydi erik shabdal hám almalar,

Olarg`a erinbesten mehir berip,

Mol zuráát kútedi dıyxan babalar.

 

Báhárde suwg`a tolar jap salmalar,

Dıyqanlar jerlerdi egiske tayarlar,

Hámme tapqa kelgen jerler súrilip,

Jaqsı niyet penen jerge dán taslanar.

 

Baslanıp báharde quwanishli bayramlar,

Qiz-jigitler nawriz seyline barar,

Mehri dárya, qálbi pák analarımız,

Nawrız góje súmelekti qaynatar.

 

Súmelekti qaynatqanda analar,

Qashan tayar bolar deydi balalar,

Úlken tasqazanda piskenınde súmelek,

Onıń jag`ımli iyisi dimaqqa urar.

 

Belgilenip barlıq jerde nawrız bayramı,

Qansha kewillerge shadlıq kelgen ayyamı,

Nawrız keldi, nawrız keldi desip adamlar,

Quwanıp shadlanıp og`an qosiq arnaydı.

 

Nawrız bul jańa kún jańa jıl bolg`an,

Ol arqalı qálblerde quwanısh tolg`an,

Bul jurtta kóplegen milletler jasap,

Bárshesi birge nawrızdi toylag`an.

Kóp sende báhárim ullı bayramlar,

Nawrız, 9-may hám basqalar,

Bárháma baxıtlıdur eli xalqım,

Xalqımnıń qosıqlari sag`an arnalar.

 

Tag`ıda 8-mart bayramlanadı,

Bul kun hayal qizlar kúni boladı,

Elede shıray tawıp analarımız,

Elimiz tınıshlıg`ınan kewli toladı.

 

Elimiz tınısh, og`an shukirshilik etemiz,

Bizdey jaslar kewlimiz toq jaynap ósemiz,

Atalarımızdıń elge aytar tilegi,

Abad bolsın el-jurtimiz , úy-kóshemiz.

 

Báharim gúllep jasnar dáwirim senseń,

Dúnyag`a ashıq bolaman seni kórsem,

Mart, aprel, may aylarıń bardur,

Jurtıma shıray qosıp, jáne kórkemleteseń.

 

Juldizlar.

Aspanıń bárin jaylar,

Bunshellide kóp olar,

Birew, ekew, altaw, jetew,

Sanına jetpes juldizlar.

Nur shaship turadi olar,

Bizge tilekler jollar,

Hár túrli reń bolıp turar,

Aspanda jasar juldızlar.

Juldizlar ay juldızlar,

Juda-júda kóp olar,

Qanday tilek aytsańda,

Bir kún kelip orınlar.

 

Watanim.

Hesh jerge almastırmas bag`ı-bostanım,

Bárháma tınısh bolsın Ózbekistanım,

Tárıypıńe sózler jetpes tilde dastanım,

Dáslep qádem atqan bosag`amsań, Watanım.

Ózbekistan dep atalar elde tuwildim,

Analar mehri menen aq sútińe juwildim

Bunday jurtta kúlki menen onip-ostim

Mehrin perzentinen hesh ayamas watanim.

 

Sennen bárha ilhám alip jasayman,

Bilemen táriypińe sóz jetkere almayman,

Biraq qoldan kelgenshe seni jirlayman,

Meniń jan uyamsań Ana- Watanim.

 

Prezidentmiz Shavkat atamiz,

Oniń mehrine bárha raxmet aytamiz,

Bul qanshelli sharayat, imkániyatlardan,

Chempion insán bolip isenimin aqlaymiz.

 

Watan ishindegi kishkene watanim,

Alg`abas APJ, Qaraózek rayoni,

Balalig`im ótken qazayaqli awilim,

Mag`an eń aziz aymaq mákanim.

 

Tariyp etsem gózzallig`iń watanim,

Kúnnen kúnge gúllenbekteÓzbekistanim,

Qalada sán berip turar jaylariń,

Joldiń shetin toltirar imáratlariń.

 

Bardur qalalariń Xiywa, Xorezm,

Olarda kóriner qansha tariyxiy sezim,

Samarqand, Buxara kibi qalalariń,

Kórkińe kórk qospaqta Watanim.

 

Shin doslar.

Hámiyshe óz ara mehriyban olar,

Hárdayim hárjerde qádirdan bolar,

Bir-birine bárha jana-jan bolg`an,

Eń mehriyban eń qádirdan shin doslar.

 

Qay jerde tuwilsa túrli jag`daylar,

Har waqit belsene bir-birin qollar,

Álbette, olarda bizlerdey jaslar,

Eń mehriyban eń qádirdan shin doslar.

 

Sizge aytarim aziz adamlar,

Ómirde eń jaqin dostińiz bolsin,

Bolarsiz eń qádirdan shin doslar,

Olar menen baxit jolińiz ashilsin

 

Ustazlar.

Jeti jastan jetelep bizdi,

Bilim dárgayina aparg`ansizlar,

Úyrettińiz hárbir hárip hárbir sózdi,

Oqiwshilar qádirler sizdi ustazlar.

 

Jaliqpastan bizge tárbiya bergensiz,

Bilim shámeninen gúller tergensiz,

Qanday bolsaqta bizdi jaqsi kórgensiz,

Atamizday ullisiz aziz ustazlar.

 

Aydin joldi kórsettińiz bizlerge,

Mehir nurin sepkensizg`oy júzlerge,

Hámiyshe minnetdarmiz sizlerge,

Qálbi taza miyirman aziz ustazlar.

 

Birinshi ustazimiz Genjegúl apa,

Aldimizda aman boliń barhama,

Uzaq jasap toqsan juzge tolg`aysiz,

Perzentlerińiz ushin aman bolg`aysiz.

 

Song`i qońiraw.

Seni kórsem kewlim nurg`a toladi,

Sebep, sende ótti balalig`im, shoqlig`im,

Sol demlerim mángi este qaladı,

Sennen taptim eń qadirdan doslig`im.

 

Aradan óttig`oy qanshama jillar,

Mektep qushag`inan endi bizler ketemiz,

Buni oylap qálbim qayg`ig`a tolar,

Jilar kózlerimiz, jilar kewlimiz.

 

 

Bilimniń mákani boldiń bizlerge,

Ilim nurin septiń qansha júzlerge,

Intizar bolamiz qayta kóriwge,

Xoshbol ana mektebim, sońg`i qońiraw.

 

Anam jeteledi alti jasimda,

Ustazlarim joldas boldi qasimda,

Jillar ótip pitkeriwshi boldiqpa,

Xoshbol ana mektebim sońg`i qońiraw.

 

Qushag`inda jaynap ónip óstim men,

Álipbeni úyrenip jaza bildim men,

Endi mehriybanim dostim ózińseń,

Xoshbol ana mektebim song`i qońiraw.

 

Pánler sirin ashti aziz ustazlar,

Algebra, fizika barliq sabaqlar,

Úyretip bizge bárin bárháma qollar,

Xoshbol ana mektebim sońg`i qońiraw.

 

Bul keshemiz bárin eske saladi,

Kishi qalblerimizde jasliq oti janadi,

Balalig`im shoqlig`im endi artta qaladi,

Xoshbol endi mektebim song`i qońiraw.

 

G`aresizlik bayrami.

 

 

Erkin aldi meniń aziz watanim,

Heshkimge bag`inbas Ózbekistanim,

Tanha jurtim endi jaynap jasasin,

Mákanim keldi seniń g`aresizlik bayramiń.

 

Turaq jaylar tiklendi jańa makan dep,

Endi gúlleniwshi aziz watan dep,

Imaratlar qád kóterdi ulli insan dep,

Qutli bolsin elim g`aresizlik bayrami.

 

 

Azatliqqa sharladi jańa prezident,

Endi baxitlidur harbir jas perzent,

Barsheni quwantip ulli ayyami,

Qutli bolsin elim g`áresizlik bayrami.

 

Yarim sherek jil óttig`oy aradan,

Barliq jerler endi gúllep jaynag`an,

Balapanlar shoq kúlkide oynag`an,

Múbarek watanim g`aresizlik bayrami.

 

Mektep dawiri.

 

Turip azanda erte jetiden,

Oqiwg`a ketiwge asig`ar edik,

Tez juwirip mektepke jetiwden,

Sabaq baslang`anda basilar edik.

 

Sabaq baslanip mug`allim keldi,

Bizge kim joq dep sorawdi berdi,

Nawbetshi joqlap oqiwshilardi,

Ustaz sorawina tez juwap berdi.

 

Mug`allim jaqsilap túsindirip bergen,

Ótken sabaqtanda túsinik bergen,

Waziypani sorap oqiwshilardan,

Sońinan sabaq tawsila kelgen.

 

Barijaqsi boladi.

Búgin qayg`ilidur kúnleriń,

Kózińde jas toli túnleriń,

Ele aldińdadur ulli keleshegiń,

Isen dostim, bári jaqsi boladi.

 

Búgin qapa boldiń qabag`iń uyip,

Biraq kewlińe júrme kek tuyip,

Erteń dostiń kúter seni qol jayip,

Isen dostim, bári jaqsi boladi.

 

Tuwisqanlar ókpeletti urisip,

Olardiń kewli ushin júrseń tirisip,

Ele ketersizler oynap kúlisip,

Isen dostim bári jaqsi boladi,

 

Imtixan tapsirip úlken oqiwg`a,

Kiralmay qaldińba bolma hesh qapa,

Sońinda álbet sennen kewli toladi,

Isen dostim bári jaqsi boladi.

 

Heshte awmet kelmey jolda qaldińba,

Kimdidur kútip sharshap taldińba,

Bári izine túsip kewliń tolg`anda,

Isen dostim bári jaqsi boladi.

 

Kimdi kim biler.

Bul dunya ajayipg`oy og`ada,

Barliq janlar túrli-túrli bop keler,

Eger mende oylap júrsem jag`ada,

Túsinbeymen heshte kimdi kim biler.

 

Hárbir insán hár túrlishe tuwilg`an,

Kimi batir, kimi qorqaq, kimdur nadan,

Hámme qandaydur qásiyette jaralg`an,

Túsinbeymen heshte kimdi kim biler.

 

Kimdur maqtanbaqta júrisin aytip,

Kimdur ókiniwde turisin aytip,

Kimdur sóz tasiwda basqani aytip,

Túsinbeymen heshte kimdi kim biler.

 

Bazilar haq kókirek júda múlayim,

Kimdur ashiwshaq qashasań kórgen sayin,

Kimdur menmen ózin aytar gáp sayin,

Túsinbeymen heshte kimdi kim biler.

 

 

 

 

Bazilar júda hadal qara miynette,

Ayrimlar júda tezde bayip ketpekte,

Dúnyada kóplegen adam kórsemde,

Túsinbeymen heshte kimdi kim biler.

 

Kimlerdi kórip pikir qilarsań,

Kimlerdi kórip shúkir qilarsań,

Sen baribir óz bilgenińshe jasarsań,

Túsinbeymen heshte kimdi kim biler.

 

Qaraqalpaq qiziman.

Talay asiwlardan asip jaynag`an,

Qara miynet islep heshte talmag`an,

Bellerine kúsh quwatti baylag`an,

Maqtanishim, ulli Qaraqalpaq qiziman.

 

Jaqsiliq etiwge qolin jayg`an el,

Biytanis bolsada miyman qilg`an el,

Jamanliq dese qarsi turg`an el,

Maqtanishim, ulli Qaraqalpaq qiziman.

 

Jigitleri qos palwanday bellerin buwg`an,

Qizlari iybeli gózzaliq tolg`an,

Xalqim bar shadi-húrrem jaynag`an,

Maqtanishim, ulli Qaraqalpaq qiziman.

 

Dostima.

Dostim sen qapalansań, qayg`ida bolsań,

Dártińde hárdayim birge júremen,

Jillar ótip, awir awhalda qalsań,

Men sag`an hámiyshe járdem beremen.

 

Birgelikte balaliqtan ónip óskenbiz,

Birgelikte ustaz, mektep kórgenbiz,

Endi de kewilden birge bolamiz,

Shadliqta qayg`ida birge júremiz.

 

Hámiyshe sirlasip birge bolayiq,

Biz birge jilinip, birge tońayiq,

Meyli muhabbatda dartte janayiq,

Heshqashan ayrilmay dos bolip qalayiq.

 

Sag`inish.

Tuwilg`an soń ana topiraqta,

Adamda watanin sag`inar eken,

Jayilsada ilaq jasil otlaqta,

Báribir anasin sag`inar eken.

 

Uship-uship qonsada suliw terekke,

Búlbúller óz gúlin sag`inar eken,

Basqa dúnya aylansada kerekke,

Adamlar óz úyin sag`inar eken.


 


  • Автор: admin
  • 11-04-2018, 12:05
  • Посмотрели: 462